بقلم الشاعرة الأستاذة بشرة اسموك
يفيض الحب منى
والهوى يعمر كيسان بلار بهجة
هاللي قراني …….
وافهم حب الله فيا بحر مايسالي
وهاللي تغرم بيا وناداني
وها اللي بان ليه الظل تحت اشجاري
اللي قال ندوز من هنا شوي نهني بالي
وهااللي رسم بلان رباني
يفيض الحب مني
من زمان قالو علي رعواني
وانا ينبوع حب ……
مني تصب كثير عيون
تبكي حال الناس وحالي
وبدموعها تداوي قلوب من زماني
حالي حال البوهالي
المجدوب اللي يدعي بالسلامة
للراجع والغاذي
الأمان مني يجري
فكل مكان معلم اثار …….
اللي لمسو فيا يحتار
ويسأل على خيمتي وبلادي
الحب مني يفيض
باقي فايض وعطرو بادي
يفوح من براري وصحرا وجبالي
خالد اعلام رغم العدا وملامي
منصيبش نردم عيون
تصب بالخير بلسم لجروح
تشافي قلوب وتعافي
نعد نفسي مسؤول
عليها وماشي براني
وروحي بلاتمسح الليل
من وجه كريم سميح
او جاهل طريق زاغ وجاني
اعذروني ماشي الخاطري
وماشي فضولي ورهباني
هادشي مقدر علي وهواني