الإسكندرية: رأفت رشوان
يااااااااا شعر.. بص ..
هاصنع من ولا حاجة قصيدة ..
هتكون الفورة
بصوا كدا ..
.. قعدت وتكيت بدراعي ..
علي دراعات الكرسي
تحتي ورق مكتوب مقلوب
عنوانه السكة وجع
باشرب كباية الشاي الممصوصة ..
لاخر قطرة تفل ممرر
جنبي عدسة شوفي لبكرة
ونهضة مصر قريبه..
بحلم يوم 25 ..
يبقي بداية حلم جديد ..
م الريس
.. عيش حريةكرامة وانسانية
احنا شبعنا وطن بالكوسة
انشالله تعودي المحروسة
الكل هيحضن بعضه يبوس
واي خروف هنشوفه بينطح ..
هنركب له بسرعة لبوس
.. هق هق اتفضل ..
ايه..
.. الحرب التالتة العالمية اهي جاية
.. المهدي هيظهروهيهدي الناس..
للخير والحق
لجمال ما خلق الله
هنكسر امريكا وكل الشيكابيكا..
المناهيكا
وهنعلن دولتنا المعتدلة بتاعة الله
الكل يعيش في سلام
والكافر يستسلم ويأسلم
والنعمة كتبت قصيدة ..
بس عصيدة
تعليقات الزوار