الإسكندرية: رأفت رشوان
البحر ضحي بيا..
وانا باوصل للغرق
نزلت لتحت.. أبقبق..
مالقيتش فيه طريق عشان اخش السبق
بكيت بدمع المرق
.. الصبح مش هيشقشق
من غير صكوك او ورق
.. دمشق اهه بتتسرق
والاخطبوط الغبي
عامللي فيها نبي
مسكني قال ينصحني وهو بغباوته فضحني..
وقال لي.. بص الحياة
حلوة وروحت معاه
شفت الدمار بعينيا
الحرب ضرب وموت
جثث قلوب مرمية
ع الشط مش في المية
بين حدي.. غربان.. حوت
حاسس قوي بالموووووت
ولسه اهه بيخدعني
علي انه قال اسمعني
.. دا مستحيل الموت
دمشق ياااه بتروح
وانا هنا مطروح
في بحور ملاها الدم
.. يا مين هينجدني
وقتن طلوع الروح
ميت وكلي جروح
.. دمشق اهه بتتسرق
وانا اااا واصلت الغرق
لجلك حياتي تروح
لا اسهر لا أصحي لا انام
لجلك بلاد الشام بيني ما بينك عشق
.. تحيا ودايما دمشق