محمد بن حما د: شاعر مغربي
سَرّْ وَاحَدْ وَحْدُو مَاهُو سَرّْ.
السَّرّْ سَرّْ مْنِينْ يْوَلِّي اسْرَارْ.
سَرّْ عْلَى سَرّْ فَالْقَلْبْ يَتْكَوَّرْ.
كِكُرْةْ الثَّلْجْ، كُلّْمَا هِيَ اتْكَوَّرْ.
تْزِيدْ مَنْ ثَلْجْهَا بَرْدْ وْ تَكْبَرْ…
فْيَاقْ الفْجَرْ مَرَّة مَا هُو فْيَاقْ.
فْيَاقْ فْجَرْ عْلَى فْجَرْ تَسْوَاقْ.
وَاشْ صْدَاقْ المْرَا سَرْ صْدَاقْ؟
عَرْبُونْ الدّْلَالََة يَتْلَفْ فَاسْوَاقْ.
الوْجَهْ لِّلي يَتْبَدَّلْ شَارِي نْفَاقْ.
وْقَفْ أَشِيخِي، الجّْبَلْ عْلَامْ.
العُكَّازْ طْرِيقْ.الكْتَابْ كْلَامْ.
لِّلي مَعَنْدُو شِيخْ غَذَّا يَتْلَامْ.
الحُرّْ حُرّْ مَا يَتْسَنَّى السّْلَامْ.
النَّظْرَة دِيمَا تْشُوفْ القُدَّامْ.
العِينْ الِّلي تْشُوفْ جَنْبْ غَدَّارَه.
الْعِينْ تَّبَعْ عَوْرَةْ النَّاسْ غَرَّارَه.
وَالْيَدْ الِّلي مَا تْمَدّْ سْلَامْ قَهَّارَه.
الْفُمّْ الِّلي يَتْهَكَّمْ بَالنَّاسْ دْسَارَه.
كِالْمَالْ.، الِّلي مَا تْزَكِّيهْ خْسَارَه.
وَانْتِ، أَزَهْرَةْ شَدّْ جْنَانْ خَاطْرِي.
نْجِيكْ بْلَامَةْ سَبْعْ الْوَانْ تَزَّاوْرِي.
وَقْلِيلْ النِّيَة. سُكْتِيهْ لَا تْشَاوْرِي.
عْلَامَةُ، يْسَوَّلْ بْلَا سَبَبْ وَيْدَارِي.
وْمَا يَسْكُتْ بْسَرّْ فَالْعَرْضْ شَارِي