بقلم: مكلخة
ماشي حرام عليكم ،” تحرم على الإسرائليين عيشتهم”…..
تقولوا المغرب بلاد الأمن والأمان !!!!! فين هو الأمان؟؟؟ و نحن بين مطرقة حكومة بنكيران و ما ديراه فينا… و سندان الشماكرية !!!!! ماشي حرام يروعوا لينا عيشتنا و حنا مقاتلين مع الوقت؟؟ حتى عظة ديال الخبز إلي تنخرجوا نجيبوها مع نبابر ديال الصباح – و الناس الغير العاديين باقي تيشخروا – تيحرموها علينا بالسواطر و الشواقر!زعما شماكرية و الشفارة مامعروفينش ؟؟؟ تيدخلوا للحبس يومين : يعلفوا ويربوا لكتاف، يشطحوا ويردحوا و يخرجوا ياكلونا ماشي حرام؟؟؟؟ حقوق الإنسان خدامة غير فالحبس ؟؟ و حنا مامحسوبينش على الإنسانية .. شهر كامل و انت تجري كيف لحمق على جوج ديال الريالات.. مانهضروش على الضرائب ، مانهضروش على الزيادة ، و مانهضروش على جوج الريالات إلي مليون فلمية غيمرروها للمهرجين ديال برلمان بغينا ولا كرهنا كيف مادارو فزيادة سن التقاعد ، قانون تجريم الصحافببن ، و قانون المحافظة ، و العمل بالتعاقد ، و………. باقي العاطي يعطي ….حنا غير بيادق معمرين الخريطة !!!! إوا ديوا الشماكرية يصوتوا عليكم و حتى حاجة ما بعيدة على سيدي ربي والدورة دور و يجيوا يشرملوكم انشاء الله ………
و زيدوا عكروا لمدينة سلا بالزواق على وجهها و الداخل مخوخ و خامج ، راه عكركم جا فوق لخنونة