الإسكندرية :رأفت رشوان
الشمس طلعت ولا النهار لسه
والأرض بها حتة براح بس بقلوب (غلسة)
يهود وبلعت أرضنا
وعاوزه تنسف عمرنا
والناس بتهتف بس (هامسه)
دي الشمس طلعت ورايحه تمسح أي نكسه
…….
الشمس طلعت وافهموا
أنا الوحيد كنت الولي
وانا غصب عنكوا المنتظر
حجيب عشا نكوا يوم انتخابي
ألف قطره من نهر (حابي)
وعيش العشا
ودماغ حشيش
ونص جبنه م القريش
وسلخه من عدلك عمر
واولع لكو أرضي من شعة قمر
الناس وميت همها ليه بالمرض
الناس ولافة فوق بعضها زي القرض
الناس موات
الناس سكات
والصمت مجبر قدام شاشات التلفزه في قلبها
–الهوهم الهو بالمزمزة
–ما احنا موات
طب امتي حد م الموتي اعترض
الليل بقي طاهر برئ
مارضاش نخش المصيدة
(مش جبن منه أو مننا)
مؤمن قوي وبأستذه
الشمس طلعت يا عم ليل..
والليل مضي
ولا النهار الجي واقف منتظر
ان احنا ندخل جوه حدود المصيده
احنا يا ليل ما احناش فيران
ولا نحب القرقضة
(من ديوان: بعت نفسي للوطن)