بقلم الحاج عمر الزواق
يالطيف .. ويالطيف
شفت راسي ف لمنام
مرشح ال برلمان
مفرق عل الناس لحلام
بايع لحلوف ولكذوب
وشاري بفلوسي الذنوب
راس مالي كلو شعارات
وكلام خارج من البارات
ما خليت طيور ولا حيوانات
لطخت بيهم المنشورات
وحلقي نشف من لغوات ..
ملي حسبت الصندوق لقيتو خاوي
حتى راسي ما صوت على راسو
ولساني شاعل بلعوافي كاوي
حارق اهلو واحبابو وناسو ..
فقت مخلوع
قريت اللطيف
صليت .. صلاة الخوف
وطلبت ربي ينجيني من هاد لحلام
من اللي فات
من الجايات
ومن .. الإنتخابات .
————- سلا : فاتح أكتوبر 2016