إيطاليا خديجة اكناش
سبحان الله
كانت جدة الحنينة تقولها فتسبيحها
اليوم نقولوها عجب على حالنا
ياسبحان الله للي كان
واليوم صار وتغير الحال
العلم ماتعلمناه
والاحترام فقدناه
والاخلاق ضيعناها…
ومال الحال
وكنا وكنتو
وصرنا وصرتو..
سبحان الله…
لعجب فهاذ الزمان
ولى عادي
والعادي ولى عجب
الحياء والحشمة زالو
والعراء ولى موضة
وحتى حاجة ماتعجب..
كثر الفساد..
ياسبحان الله وكثر النفاق
شباب ضيع شباب
والي جاي محالش
اعيش لشبابو
وهذا شوية من بزاف
سبحان الله…
واللي مخبي
عالم بيه الله
ونرجع نقول…
الله ارحمك جدة
كنتي تسبحي وماتملي
وتقولي…
يا سبحان الله…