بقلم : عمر الزواق .
……………
بعض الناس كالو عشنا وشفنا
كلشي بحال بحال
كلوبنا دمات من المحنا
ما بقى ما يتكال
شفنا بحال النسا بحال الرجال
كلهم محزمين لابسين لهبال
ما بقي فرق بين الصايا والسروال
شفنا وحدين دارو الزواهك والخلخال
ووشمو _ بلا حشما_ وردة وبرطال
وكالو : احنا اسياد الرجال
احنا أحرار في ذاتنا وارواحنا
احنا ’’ كيف كيف ’’ .. ردوا البال
بليتنا حب الذات واللذة والمال
حقوق الإنسان طبلوا لينا تطبال
وخلاونا راكبين بعضنا كي لبغال ..
ياك فهمتو الكلام اللي تكال
باينة الفضيحة بلا تسوال
فضيحة جابتها قلة الإيمان
والتقليد الأعمي لشي قومان
النسا ماشي بحال الرجال
واش الطعريجة بحال الكوال
وتنوب التحزيمة على القفال ؟
كيف كيف ..هذا شعار الذل والعار
وقوافي غريبة عل الدار
تنشرالفحش والمنكر
غير اللي ما بغي يفهم ..
شفت الدوايه تكتب من ختها
والفلم وكح جف مدادو
وشفت النحلة هاربه من شهدها
والزنبور واكل اولادو
وشفت البكره راكبة لحمار
والعود والف اوتادو
وشفت الذيب يخطب فى الناس
ويحكي ليهم امجادو
وشفت بنادم في عمق النعاس
حتي حاجه ما هماتو
وكلت : وقيلا أنا كنحلم
ولا دايخ .. فاتني لفهم
وسولت لقيت كلشي كيعلم
غير الخوف جمد فيهم الدم
وهذا موضوع ثاني ظريف وخفيف
غادي يبعدنا على ’’ كيف كيف’’
كيف كيف ..وآش من كيف كيف ؟
كولها بالتنكيس وبالمقلوب
واطلب الله يغفر ليك ويعافيك
ويمحي عنك كل الذنوب .
……………………
______ من ديوان ’’ كلام منسوم من البارح واليوم ’’ .
