عيد الحب لعوج ..

لكلب إيلا تثنى

واصبح منو جوج

حتى واحد ما يرتاح ما يتهنى

كترا إيلا تسد باب لخروج ..

والخير إيلا تدلى

نذبحو ميات فروج

نديرو حفلة كبيرة فنة

نغنيو ونجدبو عل الهجهوج ..

الوحدة ما فيها معنى

سولو عليها الدروج

بالوحدة ما يعلى ما يطلع مبنى

ولبحر ما يهيج بلا موج ..

والصاك تزينو الحنة

والنمل ف الدروج

ما عاش كلب بلا محنة

وما دام حال مبهوج ..

اخبار لغرام لعوج

طل من مراكش البهجة

روميو طلع للسما صنع فرجة

وحلف ما ينزل حتى تحضر خدوج ..

ونهار كامل والناس مقجوجة

ولخبار طار عجاجة

وملي بيضات الدجاجة

نزل فلوس قتل لفراجة .