- زجل …
قلم : الحاج عمر الزواق .
مسخوط امو
يديه معاكسين فمو
إيلا غنى ما يطرب
إيلا نشد ما يعجب
إيلا شطح ما يجدب
وخلاص إيلا كتب ..!
لسانو محكن فيه لفضول
واكل بنادم عرض وطول
حتى واحد منو ما سلم ..
هداك مطور وهداك مهبول
هداك غليظ وهداك ناقص طول
هداك يحنقز وهداك مشلول
وهداك فاعل وهداك مفعول ..
وهو وحدو مسكي راسو بالمعقول
ولسانو منشار ماضي مسلول
شام غير ريحة العطار
وشايف المرض غير ف السبيطار
كون شم ريحة جنابو
وذاق عض انيابو
كون اداها ف شغلو وهمو
كون قطع لسانو وزم فمو ..
واللي عماه الله آش تدير ليه
تنصح حتى تعيا وتمشي وتخليه .
سلا _ 3 مارس 2015