بقلم الشاعرة الأستاذة بشرة اسموكن
انصحوني وقالوا
يا اميرة ياجليلة
دخلت دوامة السياسة
وانت صادقة وجريئة
دافية وهادية
اول خطوة ليك
ايضحكوا ليك وآخرها
يضحكوا ويضحكوا عليك
قلت هانية هذوك هما
علاش كنقلب
وخى ايحاولوا ايكسروا
عودي مايتكسرش
عودي أخضر يترطى
يصمد ويتحدى
وخى نفني المال والصحة
فبلادي ومستقبل اجيال
غاذي نبقى انخمم
وخى صاحب مصلحته ايكرط
ويعيى مايصفر ويدور
عليه غربان من نوعه
انا ف حزبي مانفرط
ومصلحة الجميع عندي عيد
في كل يوم تغريد
مع كل نبض وتيسير للخير
قالوا السياسة سوق مطايفة
ارجعي من الدرب الطويل
راه مايخرج غير اللي بقرونه
قلت قروني عزمي على التغيير
واستقطاب اسراب من نوعي
تفخر ببناء الصح والصحيح
ماتقبل الذل وتنزل الراس
وماتلحس المداس
الدير لقياس وتوزن الكلام
قبل مايوصل مرابطوا
وتخطط وتدبر بحكمة
ماشي مهاودة ولا بالفايدة
وصيتوني وحتى انا
بغيت انوصيكم
لا تبعدوا واتكونوا عاجزين
راكم تذنبوا في حقكم
وحق الذايبين
وفي حق الحق اللي
الباطل أركب عليه
وادلى ورجليه