باريس: ربيعة منوني
علاش نخبي..
وانت غرامك نطقات بيه العين..
آمر يا سيدي ونا البي..
الا ما كفاكْ قلبي..
خود عمري..
وكل الغالي والتمين..
يا لمالْكْ عقلي وعلاش تحتار ؟
كيفاش نبخل عليكْ
وانت حلم البارح واليوم
وكل السنين..
ما عندي عليك لاين..
الهمة والشان..
الهيبة والقلب الحْنينْ..
عطاني ربي..
وشكون يحسدني..
أنتَ عنايتي والزهر الزّينْ..
يامي بلا بيك غير خسارة..
النخوة عليك تفصلات حرير
البها والجود نتا مولاهم
والعقل الرزين
يلا غبتي..
نبقا كيف الطير بلا جنحين
والكسدة لاش تصلح
إلا خطاوها الرجلين ؟
يحفظك العالي ..
فقلبي خبيتك
وإلا ما كفاك..
نغطيك بشفار العين..