ريتاج بريس: تساهم معنا في رمضان قارئة بعمود بالدارجة يتسم بالسخرية ذات الطعم المرير وقد قررت توقيع مقالاتها بالملكلخة
بقلم: مكلخة
وليداتنا تيضيعوا قدامنا ، ها اكتئاب، الدوباج ، الإنتحار ، يكذب عليكم الكاذب كلشي من الدار خارج …..قالوا باك طاح …قالوا من الخيمة خرج مايل … إلى ماقديش على لولاد علاش تبلزوهم ؟؟؟ إلى كنتوا تتقلبوا على التفواج و تفريغ المكبوتات .. ديروا لوقاية و هنيوا راسكم و المجتمع …
كيفاش بغيتوا لولاد يكونو سويين و صالحين و انتم معقدين و فاسدين في أخلاقكم و في تعاملكم مع عيالاتكم و رجالتكم : لكذوب…السبان… الخيانة … الراجل يبهدل لمراة وهي تقول ليه ما تعرفش و الدراري تيرواو….بلا هضرة على الأباء المكبوتين لي تيطمعوا فولادهم …. آش من رجال واش من النسا تتنتجوا للمجتمع …. مراهقين هاربين من ديورهم ، ولا تتيقرقبوا … ولا تينتحروا …. و لقمة تيكونوا عصابات إجرامية بشتى الإنحرافات …… و زوين المضحك المبكي حتى صفة الرجولة تخلوا ليكم عليها فضلوا صفة الأنثى على و عسى بالمكياج يخبوا المرارة إلي عاشوها …….. فين غاديين ؟؟؟؟؟ منين تسمع أم أو بزاف عليها الأمومة,, تتقول لبنتها ديال 4أو5 سنوات ” الله يعطيك موتة معذبة” آش من حنان واش من عاطفة واش من شخصية غتكون غذا ؟؟؟؟ فاقد الشيء لا يعطيه