بقلم مينة البركادي
والى كتاب
وعشقات السما الماء
ودارتها كتاب
حيث هي عالية شايفة لعداب
ونوات تكتبو على صدر لبحر
بالهوا والزمان
والندامة وشهادة فلان
تكتب مثلا على البعد الفتاش
أو مثلا نشوف الدنيا خسرات علاش
المهم تكتب السماء عل الما اي حقيقة
وتحماق الناس باش تكون حق واللي
تقاد الحسبة تسرب الكبة ،…
تعري عل لخزين
نهار تفرقات السماء عل الأرض
غضبات
هي صافية وداقت الدم وظلم بونا آدم
خلا الحق صدق لباطل
والى كتاب
رشات دنوبنا سواري لعمر
وطاحت السما
واش نقولوا مكتوب
ولا الطيحة سبابها غدر
السما واخة تطيح تبقى لفوق
الأرض مكتوب عليها تكون لتحت
لبحر سخى بالأرض
كل زمان يلوح منها كمشة
يدير الدنيا ف خنشة
ويشرشمها شوف ف السما نيات
قاري سواريه عابر شبرو
من ظلم الناس ليه هز لكيات
ياك الدنيا تقسمات
بر وبحر أرض وسما ما وهوا(ء)
وعلاش دخلات ف الخرجات
وخلات الدواخل طماعة
حقها تحت لباط
بيد الطمع مدات يدها لحق لغير
طاح اللي ليها والغير اتقى مولاه
طمع ف لغير مفرط ف اللي ليه
الأرض ديك التحت من خفتها تحكرات
هي اللي تحكمات بالدوران
تهز خبار الليل للنهار
اليوم هو مول لحكام
هاد قصير القامة وسط الزمان
شبعان مخدم أرض
ناوي يغير لمكتوب ضد وعناد
ناسي الجدر ف السما
وقبل الطيحة لهاد الدنيا
دازت السنية ونعام امولاي
فوق الأرض غير مهلة للإسئناف
غير وقفة للمقارنة
بين نور الطبيعة وشمعة حرقات الصبعان
إلى كتاب
وجا الحساب
تموت الأم والولد الموت والنهاية ف العناد
يبقى غير الراس
يبقى غير الراس
العافية مظلومة حشومة تهز اللومة
كون متحكوا لعظومة ميتشم الدخان
إلى طاح لمعنى يهز راسوا
يبقى لاثر مزروع سما وميعاد
الكون ماشي باطل
الكون عندو كواد
كيف الما جاري ف الواد
ف الشربة يوحل
تعليقات الزوار