الإسكندرية: رأفت رشوان
ارجوكم..
لو مت شيلوني ف نقالة الايام
وخدوني علي شط امان الروح..
خلوا المسافات اللي مشيتهاتعيط
تحزن وتقفل ف عينيها
لو مت تخلوا مناديل الاحزان..
تمسح بالكف دموعها
وارموني زي السنة المخلوعة-..
م الحلق المتجرح
في عينين الشمس الشموسة
واودع دنيتكوا الكدابة
–فارموني ف عيون العالم
وقولولهم..
.. ماااااااااااااات ولا طاطي لحد
هيرد عليكو العالم
.. مااات ولا طاطي لحد
لو مت شيلوني
من تحت الرجلين اللي بتجري علي وبتدوسني..
علشان تلحقني في وداعها الاخراني
.. لو مت شيلوني..
وخدوني علي شط امان الروح..
يمكن ارتاح من دنيتكو الكدابة
ارجوكم..
لو مت سيبوني ارتاااااااااااااااااااااااااح
.. ان مت
تعليقات الزوار