بقلم الحاج عمر الزواق
————
لله يا الوردة الحمرا
الكادية ف لعماق جمرا
يا الساكنة ف ادخالي
ياك حالك هو حالي
هزي راسك للفوق عالي
انت ما جيتي من جنان خالي ..
كنت يا الوردة همة وشان
مضوية لعقول بالمعقول
ليك راكعين العديان
وما همك عفريت ولا غول ..
كنت رمز الهيبة ولوفا
اليوم هجروك اللي حبوك بلا كلفا
طارت الريحة وبقى الشوك
وخلاوك يتيمة للشمايت ورثوك .
وانت عارفة يا الوردة
اللي كبر ف الصحرا .. ما يسقي ورد
اللي يضوي بالكمرا .. ما ينور حد
واللي يتيمم بالرملة .. ما يبني سد .
وانت يالوردة المظلومة
دوبوك وسط الحملة المعلومة
باعوك رخيصة ف سوق لحشومة
وانت ارضك طاهرة موشومة
غدا الشتا تحييك
غدا يعدمهم لعطش
غدا تشيط ليهم اللومة .
سلا – 8 أكتوبر 2016
تعليقات الزوار