الشاعرة المغربية ذ. سعيدة الرغيوي
أنت رفيقي ودوايا
تنور طريقي
تبدد ظلامي
أنا بك هايمة
ما نقدر بلا بك نكون
تنقشني في كل امكان
تسافر بيا بلدان ..
أنا نعشقك ما نخبي
نرسمك بكل محبة ..
نشربك كيف الما
الحرف يا الحرف نتغزل بك ..
ونحلم نرفرف في السما
نشيدوا شلا احلام ..
نقطعوا بحور ..
انا وإياك ولفنا نسافروا بعيد ..
نكسروا القيود..
خليك رفيقي..
ما تخذلني ..
راه الحرف اللي يخون مولاه
ماشي حرف
زغرد زغرودة.. ضوي حياتي.
لا تلومني إذا جافيتك
راه القلب متعلق بك..
خليك رفيقي..
راها الطريق
بلا بك شوك يدمي