توفيق بوشري
سهيتْ..
كان طلع الفجر..
جيت نطل
لقيتني ظل!
..
عمر داز
شفْت فيه
شاف فيّا
النهار الأول
ما ضربتيش الحساب..
قال وكمل طريقو
قدامي
ورا ظهري!
وسدّ الباب..
..
وقتاش؟
نحصل!
بين يديّ
نحقق مزيان
هذاك أنا ولا كذبت
مازال ما حصلت!
..
القصيدة
دايزة مزروبة
ضحكت:
اللي زربو ماتو!
ماتت وحياتْ
خَنْزرَتْ:
دير بحالي!
..
تخايلتني مراية
يبان العيب
نداويه
نقلعو من الجدر
حل نلقى ليه
دَزْت من حدايا
آية!
هرَّسْتني
شنو نكون؟
باش تّوب العين؟
..
فراس الوردة
كنتني
من القلب
لبست القصيدة
حب..
حطّ العمر
بساط زاهي حر
خدانا لسمانا
جنة
ملونة بشهوة
الحلمة
المنسية
فالغدر..
تفاجى السر
فقت نور.
الجديدة :المغرب