بقلم الشاعرة الأستاذة بشرة اسموكن
سولت زهري
علاش كتذل نفسك
وتنزل من قدرك
وانت حر
جاوب زهري
حيث قدري كبير
مايحتاج مساومة
ولا تطبيل من صغير
واللي اعتبرني
حيث كبرت
به فالمحنة
ذليل وقليل الحيلة
او حتى جفاف
تحت الرجلين
ثقي بيا مسكين
ونابت فيه الشين
مازال رجليه
فالجهل غارقين
اللسان ينظم
صبايغ الوان
بالنفاق ينهق
وعقابو من الرب
جد عسير
وزاد زهري ودوى
انا رزين ونتبع العين
وقولي وفعلي دواء
ماشي من غفلة
ولا كلام معسول
خلني نعزف
على العود
ولا ضربة على لقفا
صابتني بالتلفة
عارف بنادم صعيب
فلحظة هانية
كيعطي بلقفا
وخى تهز عليه
سنين القفة
زهرك حر ولد حر
اصل ومفصل
كيتجرح
ملي النثرة منو
ماتبدل والو فالهوى
والسوق اللي دخلوا
مايعمر بالشراية
اما بنادم كثيرو
شرو مايهدا
وخى تهديه الشهدة
قليل المعدن الصافي
اللي خص غيراللي
ينفض عليه الغبرة